काठमाडौं । आइसीसी विश्वकप लिग-२ अन्तर्गत त्रिकोणात्मक सिरिजको पहिलो खेलमा नेपालले पाहुना टोलि नामिबियालाई २ विकेटले पराजित गरेको छ ।
त्रिवि क्रिकेट मैदानमा मंगलबार भएको खेलमा नामिबियाले दिएको २८६ रनको विशाल लक्ष्य नेपालले १४ बल अगामै ८ विकेट गुमाएर २८७ रन बनाउँदै पूरा गर्यो ।
उक्त जितसँगै नेपालले लिग-२ अन्तर्गत अंक तालिकामा सुधार गरेको छ । नेपालले हालसम्म २५ खेलबाट २० अंक बनाएको छ । जसमा ९ जित १४ हारसहित छौंटौं स्थानमा यथावत् रहेको छ । यता पराजित नामिबिया भने ३१ खेलबाट १८ जित १२ हारसहित ३७ अंक बनाउँदै तेस्रो स्थानमा यथावत् रहेको छ ।
यस्तै सिरिज अन्तर्गत नेपालले आफ्नो दोस्रो खेल शुक्रबार स्कटल्याण्डसँग खेल्नेछ भने नामिबियाले भोलि बुधबार स्कटल्याण्डसँग खेल्नेछ ।
नेपाल नामिबियाविरुद्धको यस जितमा धेरै कीर्तिमान बनाएको थियो । नामिबियाविरुद्धको खेलमा बनेको पाँच कीर्तिमानमा यसप्रकार रहेको छ
१. करणको तेस्रोपटक ५ विकेट
अलराउण्डर करण केसीले नामिबियाविरुद्धको खेलमा नामिबियालाई २८५ रनमा रोक्न महत्त्वपूर्ण ५ विकेट लिएका थिए ।
यो सँगै उनले एकदिवसीय अन्तर्राष्ट्रिय क्रिकेटमा तेस्रोपटक पाँच विकेट लिएका हुन् । तीन पटक एकदिवसीय अन्तराष्ट्रियमा ५ विकेट लिने उनी पहिलो नेपाली क्रिकेटर हुन् ।
गत बर्ष जुनमा अमेरिकामा भएको ओमानविरुद्धको २ खेलमा उनले ५/५ विकेट लिएका थिए ।
२. रोहितेको १ हजार रन पूरा
नेपाली राष्ट्रिय क्रिकेट टोलीका कप्तान रोहित कुमार पौडेलले नामिबियाविरुद्वको खेलमा १ हजार रन पूरा गरेका थिए । उनी एकदिवसीय अन्तर्राष्ट्रिय क्रिकेट एक हजार रन पूरा गर्ने पहिलो नेपाली खेलाडी बनेका छन् ।
रोहितले नेपालका लागि ३२ एकदिवसीय अन्तराष्ट्रिय खेलेका छन् । एकदिवसीय अन्तराष्ट्रियमा १ शतक तथा ६ अर्धशतक प्रहार गरेका छन् । ३ अगस्ट २०१८ मा उनले नेपालका लागि डेब्यु गरेका थिए ।
उनले नेपालका लागि ३३ एकदिवसीय अन्तराष्ट्रिय खेल खेलेका छन् । उनले अहिलेसम्म नेपालको लागि एक हजार १७ रन बनाएका छन् । जुन अन्य नेपाली खेलाडीले बनाएको भन्दा धेरै रन हो । सर्वाधिक रन बनाउनेको दोस्रो स्थानमा पूर्व कप्तान ज्ञानेन्द्र मल्ल ७३४ रनका साथ रहँदा तेस्रो स्थानमा रहेका आसिफ शेखले ६५५ रन बनाएका छन् ।
रोहितले नामिबिया विरुद्धको खेलमा ७२ रन बनाएका थिए ।
३. सर्वाधिक साझेदारी
नामिबियाविरुद्वको खेलमा नेपालका लागि ओपनर कुशल भुर्तेल र कप्तान रोहित कुमार पौडेलले सानदार साझेदारी गरेका थिए ।
नेपालको एकदिवसीय अन्तर्राष्ट्रिय क्रिकेटको इतिहासमै सर्वाधिक रनको साझेदारी गर्ने क्रममा पौडेल र भुर्तेलले तेस्रो विकेटका लागि १३३ रनको साझेदारी गरेका थिए ।
गत मार्चमा पपुवा न्युगिनिविरुद्व घरेलु मैदान त्रिवि क्रिकेट मैदानमा देव खनाल र दिपेन्द्र सिंह ऐरीले तेस्रो विकेटको लागि १२९ रनको साझेदारी गरेको थिए ।
४. ओपनरको पहिलो शतक
नेपालका लागि हालसम्म एकदिवसीय अन्तराष्ट्रियमा ओपनरले शतक प्रहार गरेका थिएनन् । नेपालका लागि नामिबियाविरुद्धको खेलमा शतक प्रहार गरेका कुशल भुर्तेलले यो कीर्तिमान कायम गरेका छन् ।
यस अघि आसिफ शेखले २०२१ मा ओमानविरुद्ध ९० रन बनाएका थिए । यस बाहेकएकदिवसीय अन्तराष्ट्रियमा नेपालले नामिबियालाई पहिलो पटक हराएको लगायतका धेरै कीर्तिमानहरु आज बनेका छन् ।
५. सबैभन्दा ठूलो लक्ष्य पछ्याउदै जित
टस हारेर पहिले ब्याटिङ गरको नाबिमियाले दिएको २८६ रनको लक्ष्य १४ बल अगाबै पूरा गरेको छ । यो नेपालले पूरा गरेको सर्वाधिक ठूलो लक्ष्य हो । यसअघि २०१९ मा नेपालले यूएईविरुद्ध यूएईमा नै २५५ रनको लक्ष्य पूरा गरेको थियो ।
