काठमाडौँ । स्पेनिस ला लिगा फुटबल अन्तर्गत साविको विजेता रियल म्याड्रिड एटलेटिको म्याड्रिडसँग बराबरीमा रोकिएको छ ।
शनिबार राति भएको खेलमा म्याड्रिड डर्बी १-१ गोलको बराबरीमा सकिएको हो ।
यस खेलमा खेलको ७८औं मिनेटमा एटलेटिकोका जोसे मारिया गिमेनेजले गोल गरेका थिए भने खेलको ८५औं मिनेटमा अल्भारो रोड्रीगेजले बराबरी गोल गरेका थिए ।
यस खेलमा खेलको ६४औं मिनेटमा एन्जल कोरियाले रातो कार्ड पाएपछि एटलेटिको १० खेलाडीमा सिमित भएको थियो ।
उक्त बराबरीसँगै रियल म्याड्रिडको २३ खेलमा ५२ अंक भएको छ र लिगको दोस्रो स्थानमा रहेको छ । त्यस्ता इएक खेल कम खेलेको बार्सिलोनाको २२ खेलमा ५९ अंक रहेको छ ।
त्यसैगरी एटलेटिको म्याड्रिडको २३ खेलमा ४२ अंक छ र लिगमा चौथो स्थानमा रहेको छ ।
