काठमाडौँ । इंग्लिस प्रिमियर लिग फुटबलमा टोटेनहम हटस्परले चेल्सीलाई पराजित गरेको छ ।
आइतबार राति टोटेनहमले घरेलु मैदानमा चेल्सीलाई २-० ले पराजित गरेको हो ।
टोटेनहम हटस्परको जितमा ओलिभर स्किप र कप्तान ह्यारी केनले गोल गरे । दुवै गोल दोस्रो हाफमा भएको थियो ।
दोस्रो हाफको शुरुमै ओलिभर स्किपले गोल गर्दै टोटेनहमलाई १-० को अग्रता दिलाए भने ८२औं मिनेटमा कप्तान केनले गोल गर्दै टोटेनहमको जित पक्का गरिदिए ।
उक्त जितसँगै चौथो स्थानमा रहेको टोटेनहमको २५ खेलबाट ४५ अंकमा छ भने चेल्सी २४ खेलबाट ३१ अंकसहित १०औं स्थानमा छ ।
