काठमाडौं । नेपाली राष्ट्रिय क्रिकेट टोलीका पूर्व कप्तान सन्दीप लामिछाने आईसिसी पुरुष क्रिकेट विश्वकप लिग-२ को सिरिजका लागि यूएई जाने भएका छन् । उनी मौसम ढकालको स्थानमा नेपाली टिममा समेटिएको नेपाल क्रिकेट संघले जनाएको छ ।
लिग-२ अन्तर्गतको एकदिवसीय अन्तर्राष्ट्रिय सिरिजअन्तर्गत नेपालले भोली बिहीबार आयोजक युनाइटेड अरब इमिरेट्सविरुद्ध खेल्दैछ ।
मौसम घाइते भएपछि उनको स्थानमा सन्दीपलाई राखिएको क्यानले जनाएको छ । सर्वोच्च अदालतले विदेश जान पाउने आदेश दिएपछि सन्दीपलाई टिममा राख्न क्यानले आईसीसीसँग अनुरोध गरेको थियो ।
