काठमाडौं । त्रिवि क्रिकेट मैदानमा जारी आईसिसी विश्वकप लिग २ अन्तर्गत अन्तिम सिरीजको खेलमा पीएनजीले यूएईलाई २४७ रनको लक्ष्य दिएको छ ।
त्रिवि क्रिकेट मैदनामा टस हारेर पहिले ब्याटिंग थाले पीएनजीले निधारित ५० ओभरमा ९ विकट गुमाएर २४६ रन बनायो ।
पीएनजीको लागि सेसे बाउले सर्वाधिक ८१ रन बनाए । उनले १०६ बलमा ८१ रनसहित अविजित रहे । यस्तै हिरि हिरि ७७ रन, किप्लिन डोरिगाले ५५ रन बनाउँदा नर्मन भानुआ र चाड सोपरले समान १० रन बनाए ।
यता यूएईका लागि आर्यन खानले ३ विकेट, जुनैद सिद्दिकी र जाहोर खानले २ विकेट लिए ।
यसअघि हिजो भएको पहिलो खेलमा पीएनजी नेपालसँग ५२ रनले पराजित भएको थियो ।
