काठमाडौं । यस सिजनको शहिद स्मारक ए डिभिजन लिग अन्तर्गत चौथो चरणको खेलमा त्रिभिवन आर्मीलाई एपीएफले हराएको छ ।
बुधबार च्यासल मैदानमा भएको खेलमा आर्मीमाथि एपीएफ १-० गोलले विजयी भएको हो ।
एपीएफको जितमा मनि कुुमार लामाले गोल गरे । उनले खेलको ३६औं मिनेटमा गोल गरेका हुन् । उक्त गोल नै एपीएफको जितमा निर्यायक बन्यो ।
जितसँगै एपीएफले ४ खेलबाट ७ अंक जोडेको छ । पराजित आर्मी भने समान खेलबाट ५ अंकसहित छैटौं स्थानमा झरेको छ ।
