काठमाडौं । आगामी प्रधानमन्त्री थ्री नेशन्स कपको टिकटका लागि एन्फाले खल्तीलाई टिकटिङ पार्टनरको रुपमा सम्झौता गरेको छ ।
एन्फाले शुक्रबार खल्ती मार्फत टिकट बिक्री गर्ने सम्झौता भएको जनाएको हो ।
एन्फा कम्प्लेक्समा भएको सम्झौतामा कार्यवाहक महासचिव तथा सहायक महासचिव दामोदर भट्टराई (बद्री) र खल्तीका प्रमुख मार्केटिङ अधिकृत अविनाश गुप्ताले हस्ताक्षर गरे ।
दशरथ रंगशालामा यहिँ चैत २२ देखि ३१ गतेसम्म सुरु हुने नेपाल, भुटान र लाओससहितको प्रतियोगिताको टिकट क्रमश ५ सय र १ हजार रुपैयाँ तोकिएको छ ।
नेपालले उद्घाटन खेल मार्च २२ मा लाओससँग खेल्नेछ। मार्च २८ मा नेपाल र भुटानबीचको खेलअघि लाओसले मार्च २५ मा भुटानसँग खेल्नेछ । समूह चरणका सबै खेल बेलुका ६ बजे हुनेछन् । फाइनल मार्च ३१ मा साँझ ५ः३० बजे हुनेछ ।
