काठमाडौँ । पेरिस ओलम्पिक अन्तर्गतको पहिलो चरणको छनोटको पहिलो खेलमा नेपाल भियतनामसंग पराजित भएको छ ।
त्रिपुरेश्विस्थत दशरथ रंगशालामा घरेलु टोलि नेपाल भियतनामसंग ५(१ गोलअन्तरले पराजित भएको हो ।
पहिलो हाफमा केही लय गुमाएको नेपालले ३ गोल व्यहोर्न पुगेको थियो । त्यसपछि नेपालले दोस्रो हाफमा सम्हालिएको प्रदर्शन गर्दै दुई गोल मात्रै व्यहोरेको हो । नेपाली टिमकी मुख्य फर्वाड सावित्रा भण्डारी साम्बाले उच्च प्रदर्शन गर्दै खेलको ७९औ मिनेटमा शानदार गोल गर्दै नेपालको तर्फबाट गोलको खाता खोल्न सफल भइन् । यो संगै साम्बाले नेपालको लागी ४३औ गोल समेत पुरा गरेकी छिन् ।
उता भियतनामको जीतमा खेलको ११औ मिनेटमा फाम हाइ येनले हेडिङ मार्फत गोल गर्दै टिमलाई १-० को अग्रता दिलाइन् । खेलको ३६औ मिनेटमा नेपालकी डिफेन्डर हिरा कुमारी भुजेलले आफ्नो डिवक्सभित्र हातले गोल छोएपछि भियतनामले पेनाल्टी पाएको थियो । उक्त पेनाल्टीलाई कप्तान हुवान न्युनले सहजै गोलमा परिणत गरिन् ।
त्यस्तै ३८औ मिनेटमा न्युयेन थी वीचले प्रहार गरेको बल नेपाली डिफेन्डर अमृता जैसीको खुट्टामा ठोक्किएर गोल भएपछि नेपाल ३-० गोलले पछि परेको हो ।
४७औ मिनेटमा भियतनामकी कप्तान हुवान न्युनले व्यक्तिगत दोस्रो गोल गर्दै टिमलाई ४-० गोलको अवस्थामा पुर्याइन् । त्यस्तै खेलको अन्तिम समयमा दोस्रो हाफमा मैदान छिरेकी न्युगीन थी थानले गोल गरिन् ।
अब यी दुईबिचको दोस्रो खेल चैत्र २५ गते हुनेछ ।
