काठमाडौं । राजधानीमा जारी यस सिजनको सहिद सहिद ए डिभिजन लिग फुटबल अन्तर्गत छैटौं चरणको अन्तिम खेलमा मनाङ मर्स्याङदी क्लबले सहज जित निकालेको छ ।
शुक्रबार च्यासल मैदानमा भएको खेलमा मनाङले फ्रेन्ड्स क्लबलाई २-० गोल अन्तरले हराएको हो ।
मनाङको जितमा कोफी टिमोथी कुदोले दुई गोल गरे ।
पहिलो हाफको खेलको ३४औं मिनेटमा कोफीले गोल गर्दै मनाङलाई सुरुआती अग्रता दिलाएका थिए ।
त्यसपछि खेलको ५२औं मिनेटमा कोफीले व्यक्तिगत दोस्रो गोल गर्दै मनाङलाई २-० को जित दिलाए ।
उक्त जितसँगै मनाङ अंक तालिकाको शीर्ष स्थानमा उक्लिएको छ । मनाङले ६ खेलमा १४ अंक जोडेको छ । यता पराजित फ्रेन्ड्स ४ अंक जोडेर १२औं स्थानमा रहेको छ ।
