काठमाडौं । साविक विजेता मछिन्द्र फुटबल क्लबले सहिद स्मारक ए डिभिजन लिग फुटबलमा दोस्रो जित निकालेको छ ।
त्रिपुरेश्वरस्थित दशरथ रंगशालामा आइतबार संकटा क्लबलाई २-१ गोल अन्तरले हराउँदै मछिन्द्रले दोस्रो जित निकालेको हो ।
मछिन्द्रको जितमा विमल घर्ति मगर र आफिज ओलावालेले एक एक गोल गरे । संकटाका लागि मनिष डाँगीले एक गोल फर्काए ।
उक्त जितसँगै ७ खेलबाट ९ अंक रहेको छ । यता पराजित संकटाको भने समना देलबाट समान ९ अंक रहेको छ ।
यस्तै एन्फा मुख्यालयमा भएको खेलमा हिमालयन शेर्पा क्बललाई २-१ गोलले हराउँदै एनआरटीले पुनरागमन जित निकालेको छ । हारसँगै शेर्पाको ७ खेलमा ६ अंक रहेको छ भने एनआरटीको समान खेलबाट पहिलो जितसहित ६ अंक जोडेको छ ।
