काठमाडौँ । राजधानीमा जारी शहिद स्मारक ए डिभिजन लिग फुटबल अन्तर्गत आठौं चरणको खेलमा सातदोबाटो युथ क्लब र नेपाल पुलिस क्लब बराबरीमा रोकिएका छन् ।
आइतबार दशरथ रंगशालामा भएको खेलमा निर्धारित ९० मिनेटको खेलमा दुवै क्लब गोलरहित बराबरीमा रोकिएका हुन् ।
खेल बराबरीमा सकिएसँगै दुवैले एक एक अंक बाँडेका छन् ।
उक्त बराबरीसँगै सातदोबाटोको ९ खेलमा १७ अंक रहेको छ । उसले लिगको शिर्ष स्थानमा उक्लिने अवसर गुमाएको छ । त्यस्तै नेपाल पुलिस क्लबको ९ खेलमा ५ अंक भएको छ र लिगको पुछारमा नै रहेको छ ।
