काठमाडौं । राजधानीमा जारी यस सिजनको शहिद स्मारक ए डिभिजन लिग फुटबलमा आज दुई खेल हुँदैछ ।
आज हुने पहिलो खेलमा हिमालयन शेर्पा क्लबले सातदोबाटो युथ क्बलको सामना गर्नेछ । यो खेल दिउँसो ३ बजे च्यासल रंगशालामा हुनेछ । जारी सिजन १० खेलबाट १७ अंक जोडेको सातदोबाटो चौथो स्थानमा रहेको छ । यस्तै समान खेलबाट ९ अंक बनाएको शेर्पा पूछारबाट दोस्रो स्थानमा रहेको छ ।
आजै साँझ ६ बजे दशरथ रंगशालामा हुने दिनको अन्तिम खेलमा संकटा फुटबल क्बलले थ्री स्टार क्बलसँग खेल्नेछ ।
जारी सिजन १० खेलबाट १८ अंक बनाएको थ्री स्टार दोस्रो स्थानमा रहेको छ भने समान खेलबटा १५ अंकसहित आठौं स्थानमा रहेको छ ।
