काठमाडौं । राजधानीमा जारी यस सिजनको शहिद स्मारक ए डिभिजन लिग फुटबलमा आज तीन खेलहरु हुँदैछ ।
आज दुई खेल दशरथ रंगशालामा हुनेछ भने एक खेल एन्फा मुख्यालय सातदोबाटोमा हुनेछ ।
आज एन्फा मुख्यालयमा हुने खेलमा मनाङ मर्याङदी क्लबले नेपाल पुलिस क्लबको सामना गर्नेछ । पछिल्लो ४ खेलमा पराजय ब्यहोरेको मनाङ आजको खेलमा जित निकाल्नु पर्ने दबाबमा रहेको छ । जारी सिजन ११ खेलबाट मनाङले १५ अंक बनाएको छ ।
समान खेलबाट ६ अंकसहित पुलिस पुछारमा रहेको छ । आजको खेलमा जि निकाल्दै पुलिस थप ३ अंक जोड्ने दाउमा हुनेछ ।
यस्तै आजै सोहि समय दिउँसो ३ बजे हुने अर्को खेलमा फ्रेन्ड्स क्बलले एनआरटीसँग खेल्नेछ । एनआरटी १३ अंकसहित १०औं स्थानमा रहेको छ भने समान ११ खेलबाट ११ अंकसहित १२औं स्थानमा रहेको छ ।
साझ ६ बजे हुने खेलमा बलियो टोली त्रिभुवन आर्मीले चर्च ब्वाइज युनाइटेडसँग खेल्नेछ । जारी सिजन १६ अंक बनाएको आर्मी छैटौं स्थानमा रहेको छ । यता चर्च ब्वाइज भने समान खेलबाट १८ अंकसहित तेस्रो स्थानमा रहेको छ ।
जारी सिजन ११ खेलबाट २३ अंक बनाएको जावलाखेल शीर्ष स्थानमा रहेको छ भने समान खेलबाट २१ अंकसहित थ्री स्टार दोस्रो स्थानमा रहेको छ ।
