एजेन्सी । इंग्लिस प्रिमियर लिग फुटबलमा शीर्ष स्थानको आर्सनल म्यान्चेस्टर सिटीसँग पराजित भएको छ ।
बुधबार राति भएको खेलमा सिटीले आर्सनललाई ४-१ गोल अन्तरले पराजित गरेको हो ।
घरेलु टोली सिटीको जितमा डि ब्रुएनले २, जोन स्टोन्स र एर्लिङ ब्राउन हालान्डले समान एक एक गोल गरे ।
पहिलो हाफमा २-० गोलको अग्रता बनाएको सिटीले दोस्रो हाफमा थप २ गोल गर्दा एक गोल ब्यहोरेको थियो ।
उक्त सिटीसँगको हारसँगै आर्सनलको उपाधि यात्रामा धक्का लागेको छ । जारी सिजन आर्सनलको ३३ खेलबाट ७५ अंक रहेको छ । आर्सनललाई हराएसँगै दुई खेल कम खेलेको सिटीको उपाधि जित्ने सम्भावना बलियो बनेको छ ।
जारी सिजन दोस्रो स्थानमा रहेको सिटीको ३१ खेलबाट ७३ अंक पुगेको छ ।
यस्तै अन्य खेलको नतिजा
वेस्ट ह्याम १-२ लिभरपुल
चेल्सी ०-२ ब्रेन्टफोर्ड
नटिर्गम ३-१ ब्राइटन
