काठमाडौँ । राजधानीमा जारी यस सिजनको शहिद स्मारक ए डिभिजन लिग फुटबल प्रतियोगिता अन्तर्गत नेपाल पुलिस क्लबले खुमलटारलाई पराजित गरेको छ ।
विहिबार साँझ दशरथ रंगशालामा भएको खेलमा नेपाल पुलिस क्लबले खुमलटारलाई ३-१ गोल अन्तरले पराजित गरेको हो ।
नेपाल पुलिस क्लबको जितमा अहमद हिजाजीले दुई गोल गरेका थिए भने मोसे ग्याबाहले एक गोल गरेका थिए ।
त्यसैगरी खुमलटारका लागि एक गोल मेसुके ओलोउमोउले गरेका थिए ।
उक्त जितसँगै नेपाल पुलिस क्लबको १३ खेलमा १२ अंक भएको छ र लिगमा पुछारमा नै रहेको छ । त्यस्तै यता पराजित खुमलटारले भने यस सिजनको आठौँ हार बेहोरेको छ । यो खेलपछि खुमलटारको १३ खेलमा १३ अंक रहेको छ र लिगमा १२औं स्थानमा छ ।
