काठमाडौं । राजधानीमा जारी यस सिजनको शहिद स्मारक ए डिभिजन लिग फुटबलमा अन्तर्गत आज शनिबार ३ खेल हुँदै छ ।
आज २ खेल दिउँसो ३ बजे र एक खेल साझ ६ बजेबाट दशरथ रंगशालामा हुनेछ ।
आज हुने दिनको पहिलो खेलमा च्यासल रंगशालामा संकटा क्लब र जावलाखेलबीच हुनेछ । जारी सिजन शीर्ष स्थानमा रहेको जावलाखेल आजको खेलमा जित निकाल्दै शीर्ष स्थानमा बलियो अंक बनाउने दाउमा रहेको छ ।
यस्तै आजै सोहि समयमा दशरथ रंगशालामा हुने खेलमा हिमालयन शेर्पा क्बलले त्रिभुवन आर्मीको समना गर्नेछ । जारी सिजन १२ खेलकाट १९ अंक बनाएको आर्मी चौथो स्थानमा रहेको छ । यस्तै समान खेलबाट १३ अंक बनाएको शेर्पा पूछारबाट दोस्रो स्थानमा रहेको छ ।
आजै हुने दिनको अन्तिम खेलमा लगातार पाँचौ खेलमा पराजय ब्यहोरेको मनाङ मर्स्याङदी क्बल लगातार दोस्रो खेलमा पराजय ब्यहोरेको चर्च ब्वाइज युनाइटेडेको सामना गर्नेछ । जारी सिजन १२ खेलबाट १५ अंक बनाएको मनाङ नौं स्थानमा रहेको छ । चर्च ब्वाइज भने समान खेलबाट १८ अंकसहित पाँचौ स्थानमा रहेको छ ।
