काठमाडौं । राजधानीमा जारी यस सिजनको शहिद स्मारक ए डिभिजन लिग फुटबल प्रतियोगिता अन्तर्गत १५औं राउन्डको खेलमा मनाङ मर्स्याङदी क्बल र रोयल ब्लु सातदोबाटोले अंक बाँडेका छन् ।
शनिबार त्रिपुरेश्वरस्थित दशरथ रंगशालामा भएको खेलमा मनाङ र सातादोबाटोले गोलरहित बराबरी खेल्दै अंक बाँडेका हुन् । खेलमा दुबै टोलीले केहि राम्रो अवसर सिजर्ना गरेता पनि गोल भने गर्न सकेनन् ।
उक्त बराबरीसँगै मनाङले १५ खेलबाट १९ अंक जोड्दै सातौं स्थानमा उक्एिको छ भने यता समान खेलबाट २३ अंक बनाएको सातादोबाटो चौथो स्थानमा रहेको छ ।
यस्तै आजै च्यासल रंगशालामा भएको खेलमा चर्च ब्वाइज युनाइटेडले एनआरटीलाई ४-१ गोलले पराजित गरेको छ । चर्चको जितमा अन्जन विष्टले ह्याट्रिक पूरा गरेका थिए ।
