काठमाडौं । राजधानीमा जारी यस सिजनको शहिद स्मारक ए डिभिजन लिग फुटबल अन्तर्गत संकटा क्लबले सातदोबाटो युथ क्लबलाई पराजित गरेको छ ।
मंगलबार च्यासल रंगशालामा भएको खेलमा संकटाले सातदोबाटोलाई २-० गोल अन्तरले पराजित गरेको हो ।
संकटाको जितमा दुबै गोल युसेफ एट्रिसले गरेका थिए । उनले खेलको १४औं र २६औं मिनेटमा गोल गरेका थिए ।
उक्त जितसँगै संकटाको १६ खेलमा २० अंक भएको छ र नवौं स्थानमा उक्लिएको छ । त्यसति सातदोबाटोले भने यो खेलमा हारसँगै दोस्रो स्थानमा उक्लिने अवसर गुमाएको छ । सातदोबाटोको १६ खेलमा २३ अंक रहेको छ र अहिले पाँचौं स्थानमा छ ।
