एजेन्सी । यूरोपको सबैभन्दा ठूलो क्लब फुटबल प्रतियोगिता यूईएफए च्याम्पियन्स लिग अन्तर्गत सेमिफाइनलको पहिलो लेगमा रियल म्याड्रिड र म्यानचेस्टर सिटीले बराबरी खेलेका छन् ।
बुधबार बिहान रियल म्याड्रिडको घरेलु मैदान सान्टियागो बर्नाबाउमा भएको खेल १-१ को बराबरीमा सकिएको हो ।
घरेलु टोली रियलले भिनिसियस जुनियरको गोलमा अग्रता लिएपनि दोस्रो हाफमा सिटीले गोल फर्काएको थियो ।
खेलको ३६औं मिनेटमा रियलले सुरुवाती अग्रता लिएको थियो । रियलका लागि भिनिसियस जुनियरले गोल गरे ।
तर, दोस्रो हाफको ६७औं मिनेटमा सिटीले गोल गर्दै खेल बराबरीमा ल्यायो । सिटीका लागि गुन्डोगनको पासमा केभिन डे ब्रुएनाले सुन्दर गोल गरे ।
यस्तै खेलको ९०औं मिनेटमा एडरसनले सुन्दर बचाउ गर्दै रियललाई अग्रता लिन दिएनन् । अब, दोस्रो लेग अर्को साता सिटीको घरेलु मैदानमा हुनेछ ।
सेमिफाइनल चरणको दोस्रो खेलमा इन्टर मिलान र एसी मिलान भिड्नेछन् ।
