काठमाडौं । सहिद स्मारक ए डिभिजन लिग फुटबल अन्तर्गत १७औं राउन्डको पहिलो खेलमा जावलाखेल युथ क्लबले फ्रेन्ड्स क्लबलाई पराजित गरेको छ ।
बिहिवार च्यासल रंगशालामा भएको खेलमा जावलाखेलले फ्रेन्ड्सलाई ४-१ गोलले पराजित गरेको हो ।
जावलाखेलको जितमा एनकोटो साइन्स मासोआवीले २ रावल रावल र फोडे फोफोनाले समान १/१ गोल गरे । यता फ्रेन्ड्सको लागि स्यामबाबु क्यामचापियाले सान्त्वना गोल गरे ।
पहिलो हाफमै २-० गोलको अग्रता बनाएको जावलाखेलले दोस्रो हाफमा थप २ गोल गर्दा एक गोल ब्यहोरेको थियो ।
उक्त जितसँगै जावलाखेल १७ खेलबाट ३० अंक जोडेको छ । समान अंक भएको चर्च ब्वाइज युनाइटेड दोस्रो स्थानमा झरेको छ । यद्यपि चर्चले एक खेल कम खेलेको छ । यता पराजित फ्रेन्ड्सको भने १७ खेलबाट १९ अंकसहित ११ स्थानमा रहेको छ ।
