काठमाडौं । शहिद स्मारक ए डिभिजन लिग फुटबल अन्तर्गत सोमबार दशरथ रंगशालामा भएको खेलमा हिमालयन शेर्पा क्लब र संकटा क्बलले एक एक गोलको बराबरी खेलेका छन् ।
पहिलो हाफमा गोलरहित बराबरीमा रोकिएको दुबै टिमले दोस्रो हाफमा भने एक एक गोल गरे ।
खेलको ५०औं मिनेटमा शेर्पाका लागि म्यानुल एजिवानुवाले गोल गरि सुरुवाती अग्रता दिलाएका थिए ।
तर, खेलको ७४औं मिनेटमा संकटाको लागि आयुष घलानले पेनाल्टीमा गोल गरि खेल एक गोलको बराबरी अबस्थामा ल्याए । त्यसपछि बाँकी समय थप गोल नहुदा दुबै टोलीलले एक एक अंक बाँडे ।
यस्तै आजै भएको अर्को खेलमा मछिन्द्र फुटबल क्बलले एफसी खुमटारलाई तीन शून्य गोलले पराजित गरेको छ ।
