काठमाडौँ । जारी शहिद स्मारक ए डिभिजन लिग अन्तर्गत आजबाट १९औं चरणका खेल हुँदै छन् । आज हुने दुई खेल अपराहन्न ३ बजेदेखि शुरु हुँदै छ भने अर्को एक खेल साझ ६ बजेबाट सुरु हुनेछ ।
च्यासल मैदानमा मनाङ मर्स्याङ्दी क्लब र संकटा क्लबबीच भिडन्त हुँदै छ ।
जारी लिगमा मनाङ मर्स्याङ्दी क्लबको १८ खेलमा २२ अंक रहेको छ र लिगमा आठौ स्थानमा रहेको छ । त्यस्तै संकटा क्लबको १८ खेलमा २१ अंक रहेको छ र लिगमा १२औं स्थानमा रहेको छ ।
त्यस्तै दशरथ रंगशालामा फ्रेन्ड्स क्लब र मछिन्द्र फुटबल क्लबबीच खेल हुँदै छ । दशरथ रंगशालामै साझ ६ बजे एनआटी र जावलाखेल खेल्दैछन् ।
जारी लिगमा फ्रेन्ड्स क्लबको १८ खेलमा २० अंक रहेको छ र लिगमा १३औं स्थानमा रहेको छ भने मछिन्द्र क्लबको १८ खेलमा २० अंक रहेको छ र लिगमा तेस्रो स्थानमा छ । १८ खेलबाट चर्च ब्वाइज ३३ अंकसहित शीर्ष स्थानमा रहेको छ भने समना खेलबाट जावलाखेल ३१ अंक जोड्दै दोस्रो स्थानमा रहेको छ ।
