काठमाडौँ । जारी शहिद स्मारक ए डिभिजन लिग अन्तर्गत १९औं चरणको अन्तिम खेलमा सातदोबाटो युथ क्लबले थ्री स्टार क्लबलाई पराजित गरेको छ ।
शनिबार दशरथ रंगशालामा भएको ललितपुर डर्बीमा सातदोबाटोले थ्री स्टारलाई २-० गोल अन्तरले पराजित गरेको हो ।
सातदोबाटोको जितमा विलियम ओपोकुले दुवै गोल गरेका हुन् । विलियमले खेलको २४औँ र ४७औं मिनेटमा गोल गरेका थिए ।
उक्त जितसँगै सातदोबाटोको १९ खेलमा २९ अंकको साथ लिगमा चौथो स्थानमा रहेको छ । यता पराजित थ्री स्टारको १९ खेलमा २६ अंक रहेको छ र लिगमा पाँचौं स्थानमा रहेको छ । यस अघि पहिलो लेगमा १-० गोलले पराजित भएको सातदोबाटोले दोस्रो लेगमा बदला लिएको छ ।
