काठमाडौँ । नेपाली गोल मेसिन सावित्रा भण्डारी (साम्बा)को उत्कृष्ट प्रर्दशनमा गोकुलम केरला एफसीले भारतीय महिला लिग (आइडब्लुएल)को उपाधि जितेको छ ।
आइतबार केरलाले फाइनलमा किकस्टार एफसीलाई ५-० गोल अन्तरले पराजित गर्दै लगातार तेस्रो उपाधि जितेको हो ।
नेपाली टोलीकै मिडफिल्डरद्धय सरु लिम्बु र रेनुका नगरकोटे सम्मिलित किकस्टारलाई पराजित गर्नेक्रममा साम्बाले शानदार प्रदर्शन गरेकी थिइन् ।
फाइनल खेलमा साम्बाले एक गोल र २ गोल असिस्ट गरेकी थिइन् ।
गोकुलमले यसअघि सन् २०१९/२० र २०२१/२२ को सिजन लगातार उपाधि जितेको थियो । २०२०/२१ मा भने कोभिड-१९ को कारण आइडब्लुएल हुन सकेको थिएन । साम्बाले घुँडाको चोटका कारण २०२१/२२ को सिजन गुमाउन पुगेकी थिइन् ।
साम्बाले भारतीय महिला लिगमा २९ गोल गर्दै लिगमा सर्वाधिक गोलकर्ता बनेकी थिइन् । यस्तै उनि लिकै उत्कृष्ट खेलाडी चुनिइन् ।
