काठमाडौं । जारी सहिद स्मारक ए डिभिजन लिग फुटबलमा मनाङ मर्स्याङ्दी क्लबले लगातार सातौं खेलमा बराबरी खेल्दै अंक बाडेको छ।
च्यासल मैदानमा बिहीबार भएको खेलमा मनाङ र चर्च ब्वाइजले गोलरहित बराबरी खेलेका छन् ।
निकै प्रतिस्पर्धात्मक खेलमा दुबै टोलीले पाएको अवसरलाई सदुपयोग गर्न सकेनन् । जसको कारण खेल बराबरीमा सकिएको हो ।
उक्त बराबरीसँगै चर्च ब्वाइजले २१ खेलमा ३८ अंक जोडेर शीर्ष स्थानमा यथावत रहेको छ । यता समान खेलबाट २५ अंक जोडेको मनाङ ११ औं स्थानमा रहेको छ ।
