एजेन्सी । बायर्न म्युनिखले यस सिजनको जर्मन बुण्डेसलिगाको उपाधि जितेको छ ।
शनिबार राति भएको लिगको अन्तिम खेलमा बायर्न म्युनिखले कोल्नलाई २-१ गोल अन्तरले पराजित गरेपछि लिगको उपाधि जितेको हो ।
गए रात्रि नै भएको खेलमा उपाधिको दाबेदार रहेको डोर्टमण्ड मैन्जसँग २-२ गोलको बराबरीमा रोकिएपछि डोर्टमण्ड उपाधि जित्नबाट चुकेको हो ।
अन्तिम खेलमा जितपछि बायर्न र डोर्टमण्डको समान ७१/७१ अंक भएपनि गोलअन्तरमा बायर्न अगाडी रहेकाले लिगको उपाधि जितेको हो ।
अहिलेसम्म सबैभन्दा बढी पटक बुण्डेसलिगाको उपाधि बायर्न म्युनिखले जितेको छ । बायर्नले योसहित ३२ पटक यो उपाधि जितेको छ । त्यसपछि बोरुसिया डोर्टमण्ड र बोरुसिया मोनचेनग्लाडवाचले ५/५ पटक जितेका छन् ।
साथै बुण्डेसलिगाबाट बायर्न र डोर्टमण्डसहित आरबी लेइपजिंग र युनियन बर्लिन च्याम्पियन्स लिगका लागि छनौट भएका छन् ।
