काठमाडौं । शहिद स्मारक ’ए’ डिभिजन लिग फुटबल अन्तर्गत न्युरोड टिम एनआरटी विजयी भएको छ ।
आइतबार च्यासल रंगाशालामा भएको खेलमा एनआरटीले सातदोबाटो युथ क्लबलाई २-१ गोल अन्तरले पराजित गरेको हो ।
एनआरटीको जितमा निकोलस सङ र सनम लिम्बुले एक–एक गोल गरे । एनआरटीका शिव सुवेदीले एक गोल फर्काए । एनआरटीका लागि खेलको ६३औं मिनेटमा निकोलस र ६७औं मिनेटमा सनमले गोल गरेका थिए ।
सातदोबाटोका लागि खेलको ७७औं मिनेटमा शिवले गोल गरेपनि टिमलाई जित दिलाउन सकेनन् ।
उक्त जितसँगै एनआरटीले जारी सिजन सातौं जित निकालेको छ । एनआरटी २२ खेलमा २९ अंक जोडेर आठौं स्थानमा उक्लिएको छ । यता पराजित सातदोबाटो २२ खेलमा २९ अंक जोडेर छैटौं स्थानमा रहेको छ ।
