काठमाडौं । जारी शहिद स्मारक लिग ए डिभिजन फुटबलमा आज दुई खेल हुदैँछ ।
आजका दुबै खेल त्रिपुरेश्वरस्थित दशरथ रंगशालामा हुनेछ । रंगशालामा हुने पहिलो खेलमा त्रिभुवन आर्मी फुटबल क्लब र जावालाखेल युथ क्लब बिचमा प्रतिस्पर्धा हुनेछ । यो खेल दिउँसो ३ बजेवाट सुरु हुनेछ । जारी सिजन २२ खेलबाट ३४ अंक बनाएको जावलाखेल तेस्रो स्थानमा रहेको छ भने समान खेलबाट ३० अंकसहित आर्मी पाँचौं स्थानमा रहेको छ ।
यसैगरी, रंगशालामा नै हुने दोस्रो खेलमा भने एपिएफ फुटबल क्लब र चर्च ब्वाईज आमने सामने हुनेछन् । सो खेल भने साँझ ६ बजेवाट सुरु हुनेछ । जारी सिजन ३८ अंकसहित चर्च ब्वाइज शीर्ष स्थानमा रहेको छ भने २९ अंकसहित एपीएफ छैटौं स्थानमा रहेको छ ।
