काठमाडौं । जारी शहिद स्मारक ए डिभिजन लिग फुटबलमा आज दुई खेल हुँदैछ ।
आज एन्फा कम्प्लेक्स, सातदोदोवाटो र च्यासल खेल मैदानमा ती खेलहरु हुनेछन् ।
च्यासल मैदानमा हुने खेलमा सातदोबाटो युथ क्लब र मछिन्द्र फुटबल क्लब बिचमा प्रतिस्पर्धा हुनेछ भने एन्फा कम्प्लेक्समा हुने खेलमा थ्रि स्टार क्लब र संकटा क्लबका बिचमा प्रतिस्पर्धा हुनेछ । दुवै खेल दिउँसो ३ बजेवाट सुरु हुनेछ ।
जारी लिगमा सातदोबाटो युथ क्लबको २२ खेलमा २९ अंक छ भने लिगमा छैटौं स्थानमा छ । त्यस्तै मछिन्द्र क्लब २२ खेलमा ३६ अंकसहित तेस्रो स्थानमा रहेको छ ।
त्यस्तै थ्री स्टार क्लब २२ खेलमा २६ अंकसहित ११औं स्थानमा छ भने संकटा क्लब २२ खेलमा २६ नै अंकसहित १२औं स्थानमा रहेको छ ।
