एजेन्सी । इंग्लिस प्रिमियर लिग च्याम्पियन म्यानचेस्टर सिटीले एफए कपको उपाधि जितेको छ ।
शनिबार राति सम्पन्न एफए कपको फाइनलमा म्यानचेस्टर सिटीले म्यानचेस्टर युनाइटेडलाई २-१ गोल अन्तरले पराजित गरेको हो ।
म्यानचेस्टर सिटीको जितमा इके गुनडोगनले दुवै गोल गरेका थिए भने म्यानचेस्टर युनाइटेडका लागि एक गोल ब्रुनो फर्नानडेजले फर्काएका थिए ।
योसँगै म्यानचेस्टर सिटीले सातौं पटक एफए कपको उपाधि जितेको छ । पछिल्लो पटक सिटीले यो उपाधि २०१९ मा जितेको थियो ।
एफए कपको उपाधि सबैभन्दा बढी पटक जित्ने क्लब भने आर्सनल हो । आर्सनलले अहिलेसम्म १४ पटक यो उपाधि जितेको छ भने म्यानचेस्टर युनाइटेडले यो उपाधि १२ पटक जितेको छ ।
