नवप्रवेशी टोली चर्च ब्वाइज युनाइटेडले यस सिजनको शहिद स्मारक ए डिभिजन लिगको उपाधि जितेको छ ।
मंगलबार दशरथ रंगशालामा सम्पन्न खेलमा चर्च ब्वाइजले थ्री स्टार क्लबसँग बराबरीमा रोकिएसँगै एक अंक जोड्दै यस सिजनको लिगको उपाधि जितेको हो ।
यो खेलमा चर्च ब्वाइज र थ्री स्टार गोलरहित बराबरीमा रोकिएका थिए ।
बराबरीपछि चर्च ब्वाइजको २५ खेलमा ४५ अंक भएको छ र एक खेल अघि लिगको उपाधि जितेको हो ।
हाल दोस्रो स्थानमा रहेको मछिन्द्रले बाँकी दुवै खेल जितेपनि अब चर्च ब्वाइज शिर्ष स्थानमा रहने भएपछि चर्चब्वाइजको लिग जित निश्चित भएको हो ।
त्यस्तै थ्री स्टारको भने यस खेलपछि २५ खेलमा २९ अंक भएको छ र लिगमा १२औं स्थानमा रहेको छ ।
यस्तै अजै भएको अन्य खेलमा पुलिस र आर्मी १-१ गोलको बराबरीमा रोकिदा खुमटारले एपीएफमाथि ३-१ गोलको जित निकालेको छ ।
