सिन्धुपाल्चोक । नवौं संस्करणको सिन्धुकप फुटबल प्रतियोगिता अन्तर्गत आज फाइनल खेल हुँदैछ ।
गत जेठ २८ बाट सुरु भएको प्रतियोगिताको फाइनल खेलमा आज श्री भगवती क्लब (टोखा)ले काभ्रे जिल्ला फुटबल संघको सामान गर्नेछ ।
सिन्धुपाल्चोक लामोसाघुस्थित बसन्तपुर मैदानमा हुने फाइनल खेल दिउँसो ३:३० बजेबाट सुरु हुनेछ ।
पहिलो सेमिफाइनलमा ब्रिगेड ब्वाइजलाई ४-१ गोलले हराउँदै श्री भगवती फाइनल प्रवेश गरेको हो । यता काभ्रेले एपिएफलाई २-१ गोलले पराजित गरेर भगवतीसँगको भेट पक्का गरेको हो ।
युथ स्पोर्ट्स क्लबको आयोजना र सिन्धुपाल्चोक जिल्ला फुटबल संघको प्रविधिक सहयोग रहेको यस प्रतियोगिताको विजेताले नगद २ लाख र उपविजेताले नगद १ लाख पाउनेछन् ।
