काठमाडौं । १४औं संस्करणको साफ च्याम्पियनसिप २०२३ अन्तर्गत समूह बि को विजेता बन्दै लेवनानले सेमिफाइनलमा स्थान पक्का गरेको छ ।
बुधबार बैंग्लोरस्थित श्री कान्तिरभा रंगशालामा भएको समूह बी को अन्तिम खेलमा माल्दिभ्सलाई १-० ले हराउँदै लेवनान समूह विजेता बनेको हो ।
लेवनानको जितमा कप्तान हसान मातुकले गोल गरेका थिए । उनले फ्रिकिकमा गरेको गोल नै निर्णायक बन्यो ।
उक्त जितसँगै लेवनान अपराजित रहेर समूह विजेता बनेको हो । लेवनानले अब सेमिफाइनलमा भारतसँग खेल्नेछ । अर्को सेमिफाइनलमा कुवेतले समूह बी को उपविजेतासँग खेल्नेछ ।
