काठमाडौं । भारत र कुवेत साफ च्याम्पियनसिप फुटबलको फाइनलमा प्रवेश गरेको छ ।
शनिबार भएको सेमिफाइनलमा कुवेतले बंगलादेशलाई तथा भारतले लेवनानलाई हराउँदै फाइनलमा गरेको हो ।
भारतले लेवनानलाई पेनाल्टी सुटआउटमा ४-२ गोल अन्तरले पराजित गर्यो ।
निर्धारित समयको खेल गोल रहित बराबरीमा सकिएपछि निर्णय पेनाल्टी सुटआउटमा गरिएको थियो ।
८ पटकको साफ च्याम्पियन भारतले मंगलबार उपाधिका लागि कुवेतसँग प्रतिस्पर्धा गर्नेछ ।
दक्षिण एसिया बाहिरका दुई टिम लेवनान र कुवेतलाई सहभागी गराएर साफ च्याम्पियनसिपको आयोजना गरिएको थियो ।
कुवेतले भने बंगलादेशलाई १-० ले हराउँदै फाइनल प्रवेश गरेको हो । साविक उपविजेता नेपाल भने प्रतियोगिताको समूह चरणबाटै बाहिरिएको थियो ।
