काठमाडौं । एसीसी इमर्जिङ नेसन्स टिम्स कप क्रिकेट प्रतियोगिता नेपाल आफ्नो पहिलो खेलमा पाकिस्तानसँग पराजित भएको छ ।
शुक्रबार श्रीलंकामा भएको नेपाल पाकिस्तान ए सँग ४ विकेटको पराजित भएको हो ।
नेपालले दिएको १८० रनको लक्ष्य पछाएको पाकिस्तान ए ले ३२.४ ओभरमा ६ विकेट गुमाउदै लक्ष्य पुरा गरेको थियो ।
यस अघि टस जितेर पहिला ब्याटिङ गरेको नेपालले ३७ ओभरमा अलआउट हुदै १७९ रन बनाएको थियो ।
नेपालको शिर्ष ब्याटिंग क्रम फेल भएको अवस्थामा ब्याटिंग गर्न आएका सोमपाल कामीले शानदार ब्याटिंग गरेका थिए । सोमपालले ७५ रनको पारी खेलेका थिए ।
सोमपालले प्रतिष जिसीसँग नवौं विकेटका लागि ५८ रनको साझेदारी गरेका थिए भने दशौँ विकेटका लागि ललित राजबंशीसँग ४९ रनको साझेदारी गरेका थिए ।
नेपालका कुशल भुर्तेल १ रन, आसिफ सेख १२, कप्तान रोहित पौडेल ४, भिम सार्की ०, अर्जुन साउद १७, कुशल मल्ल १७, पवन सराफ १, गुलशन झाले १३, प्रतिष जिसीले २६ र ललित राजबंशीले अविजित १ रन बनाएका थिए ।
त्यसैगरी पाकिस्तानका बलर शहनवाज दहानीले ५ विकेट लिए भने मुहमद वासिमले ४ विकेट तथा मुबसिर खानले एक विकेट लिएका थिए ।
नेपालले अब दोस्रो खेल जुलाई १७ मा भारत ए सँग र तेस्रो खेल जुलाई १९ मा युएईसँग खेल्नेछ ।
