काठमाडौं । नेपाली राष्ट्रिय महिला फुटबल टोलीले प्रायोजनको रुपमा युनिलिभर नेपाल पाएको छ ।
मंगलबार राजधानीको एक होटलमा अखिल नेपाल फुटबल संघ (एन्फा) र युनिलिभरबीच प्रायोजन सम्झौता भएको हो ।
यस्तै युनिलिभरले महिला टोलीलाई एक वर्षका लागि प्रायोजन गर्ने भएको छ ।
जसमा युनिलिभरले २५ लाख रुपैयाँ प्रदान गर्ने एन्फाले जनाएको छ ।
एन्फा अध्यक्ष पंकज विक्रम नेम्वाङ र युनिलिभर नेपालका प्रबन्ध निर्देशक अम्लान मुखर्जीले सम्झौता पत्रमा हस्ताक्षर गरे ।
