काठमाडौं । नेपाली क्रिकेट टोलीका पुर्व कप्तान ज्ञानेन्द्र मल्लले राष्ट्रिय टोलिबाट सन्यासको घोषणा गरेका छन्।
शुक्रबार राजधानीमा पत्रकार सम्मेलन गर्दै उनले सन्यासको घोषणा गरेको बताएका हुन्।
सन्यास घोषणा गर्दा उनी भावुक पनि बनेका थिए। उनले ३२ वर्षको उमेरमा सन्यास लिएका हुन्।
सन् २००६ मा नामिबियाविरुद्ध खेल्दै डेब्यु गरेका मल्लले नेपालका लागि ३७ ओडीआई खेल खेल्दै ८७६ रन बनाएका छन्। यसक्रममा उनले ७ अर्धशतक समेत बनाएका छन्।
त्यस्ता टी-२० मा ३९ खेलमा ८८३ रन बनाएका छन्। टी-२० मा उनले २ अर्धशतक र एक शतक बनाएका छन्।
पारस खड्काले नेपाली टोलिको कप्तानी गर्दा मल्ल उपकप्तान रहेका थिए। उनले सन् २०१९ मा नेपाली टोलिका कप्तानी सम्हालेका थिए।
