काठमाडौं । एसिया रग्वीको आयोजना र नेपाल रग्बी संघको व्यवस्थापना नेपालमा भोलि शनिवारबाट सुरु हुने रग्बी यू२० सेभेन्सको तयारी पूरा भएको छ।
नेपाल रग्वी संघले शुक्रबार पत्रकार सम्मेलन गर्दै प्रतियोगिताको तयारी पूरा भएको जनाएको छ।
प्रतियोगिता शनिवार र आइतबार गरि दुई दिनसम्म चल्नेछ।
यस प्रतियोगितामा नेपालसहित भारत, थाईल्यान्ड, मलेसिया, चाइनिज ताइपेइ, उज्वेकिस्तान र हंकको पुरुष तथा महिला टिमको सहभागिता रहने छ।
उद्घाटन खेलमा भोलि पुरुषतर्फ नेपालले भारतको सामना गर्नेछ।
यस्तै यस प्रतियोगिताको खेलमा करीव २०० जना विदेशी खेलाडी र २५ जना खेल निर्णायकको सहभागिता हुने संघले जानकारि दिएको छ।
