काठमाडौं । २०२२/२३ को युइएफए प्लेयर अफ द इयरको अवार्ड म्यानचेस्टर सिटीका नर्वेली फरवार्ड इर्लिंग हालाण्डले जितेका छन्।
गएराती सम्पन्न एक कार्यक्रममा युरोपियन फुटबल फेडेरेसन ९युइएफए० ले बर्षका उत्कृष्ट खेलाडीको घोषणा गरेको हो।
हालाण्डले लियोनेल मेस्सी र म्यान्चेस्टर सिटीका केभिन डी ब्रुनेलाई पछि पार्दै युरोपको उत्कृष्ट बर्ष खेलाडीको अवार्ड जितेका हुन्।
हालाण्डले गत सिजनमा सिटीका लागि च्याम्पियन्स लिगका ११ खेलमा एक असिस्टसहित १२ गोल गरेका थिए भने प्रिमियर लिगमा ३७ खेलमा ८ असिस्टसहित ३६ गोल गरेका थिए।
त्यस्तै स्पेनकी महिला खेलाडी एइताना बोनमाती युरोपको महिला बर्ष खेलाडी बनेकी छन् भने म्यानचेस्टर सिटीका प्रशिक्षक पेप गुआर्डीओला बर्षको उत्कृष्ट प्रशिक्षक बनेका छन्।
