काठमाडौ । टी-२० विश्वकपको एशिया छनौट खेल अन्तर्गत नेपालले लगातार दोस्रो जित निकालेको छ।
नेपालले शुक्रबार भएको आफ्नो दोस्रो खेलमा बहराइनलाई १० विकेटले पराजित गरेको हो।
बहराइनले दिएको ३२ रनको लक्ष्य पछाएको नेपालले २।५ ओभरमा कुनै विकेट नगुमाएर लक्ष्य पुरा गरेको थियो।
नेपालका लागि कबिता कुँवरले अविजित १८ रन बनाएकी थिइन् भने सिता राना मगरले अविजित २ रन बनाएकी थिइन्।
यसअघि पहिला ब्याटिंगमा उत्रिएको बहराइन १५।४ ओभरमा ३१ रनमा अलआउट भएको थियो।
बहराइनलाई सस्तैमा अल आउट गर्नेक्रममा नेपाली बलर इन्दु बर्माले ३ विकेट लिएकी थिइन् भने कुशी डंगोलले २ विकेट लिएकी थिइन्। त्यस्तै कविता कुवँर, पुजा महतो र कप्तान रुबिना क्षेत्रीले एक एक विकेट लिएका थिए।
