नेपाली राष्ट्रिय महिला फुटबल टिमकी फरवार्ड सावित्रा भण्डारीले युरोपेली लिगको पहिलो खेलमै उत्कृष्ट प्रदर्शन गरेकी छन्।
हापोएल रानानाबाट इजरायलको शीर्ष लिगमा डेब्यु गरेकी सावित्राले शुक्रबार राति रमाट हाशोरोनविरुद्ध ४ गोल गरेकी हुन्।
उक्त खेलमा रानानाले हाशोरोनलाई ४–० ले पराजित गर्यो।
यससँगै सावित्रा युरोपेली लिग खेल्ने पहिलो नेपाली फुटबल खेलाडी बनेकी छन्।
एक महिनाअघि रानानामा अनुबन्ध भएकी सावित्राले यसअघि रानानाबाट अथिना कप खेलेकी थिइन्।
एशिया महादेशमा पर्ने भए पनि रानानाले युरोपियन फुटबल महासंघ यूईएफएमा आबद्ध भएर क्लब फुटबल खेल्दै आएको छ।
