काठमाडौँ । भारतमाथि बंगलादेशले ६ रनको रोमाञ्चक जित निकालेको छ।
एशिया कपको सुपर फोर अन्तर्गतको अन्तिम खेलमा बंगलादेशले भारतलाई ६ रनले पराजित गरेको हो।
बंगलादेशले दिएको २६६ रनको लक्ष्य पछाएको भारतले ४९.५ ओभरमा अल आउट हुँदै २५९ रन बनाएपछि खेल ६ रनले हारेको थियो।
भारतका लागि शुभमन गिलले १२१ रनको शतकीय पारी खेलेपनि टिमलाई जित भने दिलाउन सकेनन्।
यसअघि बंगलादेशले टस हारेर पहिला ब्याटिङ गर्दै ५० ओभरमा ८ विकेट गुमाउदै २६५ रन बनाएको थियो।
योसँगै एशिया कपको सुपर फोरका खेलहरु सकिएका छन्। भारत यसअघि नै एशिया कपको फाइनलमा पुगिसकेको छ भने उपाधिका लागि श्रीलंकासँग आइतबार खेल्दै छ ।
त्यस्तै बंगलादेशले सुपर फोरमा सान्त्वना जित हासिल गरेर घर फर्किने भएको छ।
