घरेलु टोली श्रीलंका एसिया कपको फाइनल खेलमा भारतसँगा ५० रनमा अलआउट भएको छ।
कोलम्बोस्थित आर प्रेमदासा स्टेडियममा टस जितेर पहिले ब्याटिङ गरेको श्रीलंका भारतको कसिलो बलिङ सामू १५.२ ओभरमा ५० रनमा अल आउट भएको हो।
श्रीलंकाका एक्दिवासिय अन्तर्राष्ट्रिय खेलको इतिहासमा यो दोस्रो कम टोटल हो। यस अघि श्रीलंका २०१२ मा दक्षिण अफ्रिकाविरुद्ध ४३ रनमा अल आउट भएको थियो।
यस खेलमा श्रीलंकाका कुसल मेन्डीसले १७ तथा दुशान हेमान्थाले १३ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्।
त्यस्तै श्रीलंकाको ब्याटिंग लाइन ध्वस्त बनाउन भारतीय बलर मोहमद सिराजले सर्बाधिक ६ विकेट लिए। त्यसैगरी हार्दिक पाण्डेयले ३ तथा जसप्रित बुमराहले एक विकेट लिएका थिए।
