काठमाडौ । नेपालमा आजबाट सुरु भएको साफ यू-१९ फुटबलमा भारतले विजयी सुरुवात गरेको छ।
बिहिवार दशरथ रंगशालामा भएको खेलमा भारतले बांगलादेशलाई ३-० गोलअन्तरले पराजित गरेको हो।
भारतको जितमा खेलको ३३ सेकेन्डमै ग्वासमर गोरेले गोल गर्दै खेलमा अग्रता दिलाएका थिए।
त्यस्तै पहिलो हाफको इन्जुरी समयमा नाओबा मेइतीले गोल गर्दै खेल २-० को स्थितीमा पुर्याए।
त्यसपछि दोस्रो हाफको अन्तिम मिनेटमा अर्जुन सिंहले गोल गर्दै भारतलाई ३-० गोलको जित दिलाए।
यो जितसंगै समूह बी मा रहेको भारतले ३ अंक बटुल्दै सेमिफाइनलको सम्भावना बलियो बनाएको छ।
भारतले दोस्रो खेलमा भुटानसंग खेल्नेछ।
