१९औं एसियाड अन्तर्गत महिला फुटबलमा नेपालले आज भियतनामको सामना गर्दैछ।
समूह ‘डी’ मा रहेको नेपाल र भियतनामबीचको खेल वेन्जोउ ओलम्पिक स्पोर्ट्स सेन्टर स्टेडियममा नेपाली समयअनुसार १:४५ बजेबाट शुरू हुनेछ।
पहिलो पटक एसियन गेम्स खेल्न लागेको नेपालले समूह चरणमै विश्व विजेता रहिसकेको जापानसहित भियतनाम र बंगलादेशसँग खेल्नेछ। पुरुष फुटबलमा भने नेपालले सहभागिता जनाएको छैन।
चीनको हान्झाउमा शनिबार औपचारिक उद्घाटन हुने १९औं एसियाडअन्तर्गत फुटबल, भलिबल र क्रिकेट खेलहरू यसअघि नै शुरू भइसकेका छन्।
