काठमाडौँ । जर्मन बुण्डेसलिगा अन्तर्गत बायर्न म्युनिखले फराकिलो जित निकालेको छ।
शनिबार राति सम्पन्न भएको खेलमा बायर्न म्युनिखले बोचुमलाई ७-० गोल अन्तरले पराजित गरेको हो।
बायर्नको जितमा ह्यारी केनले ह्याट्रिक गरेका थिए। उनले खेलको १२औं, ५४औ र ८८औ मिनेटमा गोल गर्दै आफ्नो ह्याट्रिक पुरा गरेका थिए। उनले बायर्नका लागि लिगमा ५ खेलमा यो ७औं गोल हो।
त्यस्तै एरिक म्याक्सिम, माथिस डी लाइट, लिरोय साने र माथिस टेलले १/१ गोल गरे।
यो जितसँगै बायर्न म्युनिखको ५ खेलमा १३ अंक जोड्दै लिगको शीर्ष स्थानमा उक्लिएको छ। यता पराजित बोचुमको ५ खेलमा ३ अंक रहेको छ।
