काठमाडौँ । चिनमा जारी एशियन गेम्स अन्तर्गत महिला फुटबलमा नेपाल जापानसँग पराजित भएको छ।
सोमबार भएको खेलमा जापानले नेपाली महिला फुटबल टिमलाई ८-० गोल अन्तरले पराजित गरेको हो।
जापानले पहिलो हाफमा ५ गोल गरेको थियो भने दोस्रो हाफमा ३ गोल गरेको थियो। फिफाको महिला टिमको वरियतामा जापान आठौँ स्थानमा रहेको छ भने नेपाल १०१औं स्थानमा रहेको छ।
एशियन गेम्समा नेपाली महिला फुटबल टिमको लगातार दोस्रो हार हो। नेपाल यसअघि पहिलो खेलमा भियतनामसँग २-० गोल अन्तरले पराजित भएको थियो।
एशियन गेम्स अन्तर्गत नेपालले आफ्नो समुह चरणको अन्तिम खेल विहिबार बंगलादेशसँग खेल्ने तालिका रहेको छ।
