काठमाडौँ । एशियन गेम्समा नेपालले माल्दिभ्सलाई २१३ रनको लक्ष्य दिएको छ।
टस जितेर पहिला ब्याटिङ गरेको नेपालले २० ओभरमा ७ विकेट गुमाएर २१२ रन बनाएको हो।
नेपालका लागि कप्तान रोहित पौडेलले सर्बाधिक २७ बलमा ५२ रन बनाएका थिए। त्यस्तै कुशल मल्लले २० बलमा अविजित ४७ रन बनाए भने कुशल भुर्तेलले ३५ रन बनाएका थिए। त्यस्तै गुलशन झाले पनि २१ बलमा ३५ रन बनाएका थिए।
त्यसैगरी आसिफ सेखले ६, बिनोद भण्डारीले १३, सन्दीप जोराले ५, दिपेन्द्र सिंह ऐरीले ६ तथा सोमपाल कामीले अविजित १ रन बनाएका थिए।
नेपाल र माल्दिभ्सले यस अघि एक एक खेल जितेका छन् र यस खेलको विजेता क्वाटरफाइनलमा पुग्ने छ।
