काठमाडौँ । इंग्लिस क्लब म्यानचेस्टर युनाइटेड च्याम्पियन्स लिग अन्तर्गत समूह चरणको दोस्रो खेलमा टर्की क्लब गालाटासारेसँग घरेलु मैदानमै पराजित भएको छ।
यो सँगै युनाइटेडले लगातार दोस्रो हार बेहोरेको छ। मंगलबार राति भएको खेलमा म्यानचेस्टर युनाइटेडलाई गालाटासारेले ३-२ गोल अन्तरले पराजित गरेको हो।
गालाटासारेको जितमा विलफ्राइड जाहा, मुहमद केरेम र माउरो इकार्डीले १/१ गोल गरेका थिए। त्यस्तै म्यानचेस्टर युनाइटेडका लागि भने रासमस होजलण्डले दुवै गोल गरेका थिए।
यस खेलमा खेलको ७७औं मिनेटमा घरेलु टोली युनाइटेडका क्यासेमोरोले रातो कार्ड पाएपछि युनाइटेड १० खेलाडीमा खेलेको थियो।
यो जितसँगै समुह ए मा गालाटासारेको २ खेलमा ४ अंक भएको छ र समुहमा दोस्रो स्थानमा रहेको छ।
त्यसैगरी म्यानचेस्टर युनाइटेडले भने लगातार दोस्रो हार बेहोरेदै २ खेलमा अंकविहिन रहेको छ।
