काठमाडौं । नेपाली राष्ट्रिय महिला फुटबल टिमकी फरवार्ड सावित्रा भण्डारी (साम्बा) सकुशल काठमाडौँ फर्किएकी छन्।
लिग खेल्न इजरायलमा रहेकी साम्बाले आफु गएराती सकुशल काठमाडौँ फर्किएको जानकारी दिएकी हुन्।
सावित्रा हाल इजरायली क्लब होपोएल रानानाबाट व्यावसायिक फुटबल खेलिरहेकी छन्। चीनको हाङचोउमा सम्पन्न एसियाली खेलकुदमा सहभागी भएर फर्किएलगत्तै सावित्रा क्लबमा फर्किएकी थिइन्।
इजरायलमा हमासको आक्रमणपछि सबै खेल गतिबिधि स्थगित भएपछि उनी तेल अभिभस्थित नेपाली दूतावासमा कार्यरत कर्मचारीसँगै रहेकी थिइन्।
उनलाई त्रिभुवन अन्तर्राष्ट्रिय विमान स्थलमा एन्फाका प्रवक्ता सुरेश शाहले स्वागत गरेका थिए।
